Pagina/13

Care compagne e compagni rivolussionari, i tempi che stemo vivendo iè estremamente duri. I fassisti i'alsa la testa in tuta Europa, alleadi con i borghesi: i fa comunela e i se tien par man. La crisi economica del Capitale la fa vitime tra la gente che laora (e anche qualche impresario el se impicca). Il popolo l'è rincoionio da feisbuc e dai spriss. L'energia rivolussionaria dei nostri avi l'è morta, logorada dall'imborghesimento de la classe operaia che l'ha rinuncià alla so mission storica, la s'à rintanà nele case, la sa comprà i lussi del Capitale. Ma adesso, in sta morsa che ne consuma, i giorni iè sì dificili, ma sempre pì forte l'è la certessa che sta sgretolando la Domninasion sociale e anca economica. I popoli, ormai alle strette, i sente de novo la pression della lotta, la spinta a tornar all'assiòn direta. Insomma, i sente el pearo al culo. I ghe n'ha i cojoni pieni. Emo perduo le tecniche, le conoscense, le dinamiche, che nei ani delle bataglie piassè violente iera invese bele forti. Bisogna aumentàr el livel del scontro e trionfàr par fondàr na nova umanità libera e comunista. Ma prima ghe da cominsiar lo scontro. O almeno provarghe. Solo pensarghe? Neanca quelo? Che bale! Beh, qua proponemo un ricetario, un breviario de ricete esplosive e tecniche de gueriglia. Speriemo che le possa essar utili par la ripresa de la lota e par el trionfo del novo proletariato che adesso come adesso el se scoiona nei call center, el se perde a sercàr laoro, el vien marso nelle università, studiando cagade.